ՀՀ արտաքին գործերի նախարար Արարատ Միրզոյանը հանդիպում է ունեցել Արաբական Միացյալ Էմիրությունների (ԱՄԷ) փոխվարչապետ, արտաքին գործերի նախարար շեյխ Աբդալլահ բին Զայեդ Ալ Նահյանի հետ։
Հանդիպման ընթացքում քննարկվել են երկու երկրների միջև համագործակցության զարգացման հարցերը։ Զրուցակիցները ընդգծել են քաղաքական երկխոսությանը զուգահեռ մի շարք ոլորտներում համագործակցության ընդլայնման պատրաստակամությունը։
Այս համատեքստում նախարարները քննարկել են առևտրատնտեսական և գործարար կապերի խթանման, ներդրումային ծրագրերի զարգացման տարբերակները։ Նրանք նշել են, որ վերջին տարիներին ուղիղ չվերթերի աճող քանակն ու զբոսաշրջության ծավալները կարող են նպաստել այդ նախաձեռնությունների արդյունավետ իրացմանը։
Արարատ Միրզոյանը և Աբդալլահ բին Զայեդ Ալ Նահյանը մտքեր են փոխանակել նաև տարածաշրջանային հարցերի շուրջ։ ՀՀ արտաքին գործերի նախարարը ընդգծել է Հայաստանի և Ադրբեջանի միջև հաստատված խաղաղության, ինչպես նաև դրա շարունակական ամրապնդմանն ուղղված նախաձեռնությունների կարևորությունը։
Նախարար Միրզոյանը բարձր է գնահատել «Զայեդ» մարդկային եղբայրության մրցանակի նախաձեռնությունը՝ որպես խաղաղության հաստատման նշան։
Հանդիպման ընթացքում քննարկվել են նաև տարածաշրջանային փոխկապակցվածության և ենթակառուցվածքների ցանցի ընդլայնման հնարավորությունները, ինչպես նաև հումանիտար հարցերը։
Հայաստանի քաղաքական կյանքի վերջին տարիների ամենակարևոր և ամենաշատ քննարկվող հասկացություններից մեկը դարձել է այսպես կոչված…
Հայաստանի կենտրոնական բանկի վերջին գնահատականներով՝ երկրի տնտեսության կանխատեսումները 2026 թվականի համար ենթակա են զգալի վերանայման։…
Հունիսի 7-ի ընտրություններին «Քաղաքացիական պայմանագիր» կուսակցության սահմանադրական մեծամասնություն չստանալու փաստը, ինչպես հայտնի է, ուրախություն է…
Վերջին շաբաթներում Բարձրագույն դատական խորհրդի (ԲԴԽ) ներսում լարվածության աստիճանը զգալիորեն բարձրացել է, ինչը դրսևորվում է…
Իրանի և Հայաստանի անվտանգության փորձի համեմատությունը կարևոր է ռազմավարական մտածողության և պետական դիմադրողականության կապը հասկանալու…
Պաշտպանության նախարարությունը կառավարության 2023 թվականի մարտի 23-ի N 383-Ն որոշման մեջ լրացում և փոփոխություն կատարելու…