Հայաստանի կողմից կատարված աշխատանքի արդյունքում ԵՄ ավիացիոն սև ցուցակից դուրս գալուն ուղղված բոլոր հիմնական թերությունները վերացվել են, սա հայտնել են Հայաստանի քաղաքացիական ավիացիայի կոմիտեից՝ անդրադառնալով Եվրամիության ընդլայնման քաղաքականության հարցերով բարձր հանձնակատար Մարթա Կոսի հայտարարություններին։
Համաձայն կոմիտեի տեղեկությունների՝ սեպտեմբերի սկզբին ԵՄ-ի կողմից կատարվել է գնահատողական այց Հայաստան։ Այցի ընթացքում արձանագրված թերությունները բացառապես տեխնիկական բնույթի էին և ուղիղ ազդեցություն չէին ունենում թռիչքային անվտանգության վրա։ Գնահատողական խումբը կատարել է ստուգումներ երկու հայկական ավիաընկերությունների կողմից, որտեղ նույնպես գրանցվել են տեխնիկական բնույթի որոշ թերություններ, որոնք նույնպես չեն ազդում թռիչքների անվտանգության վրա։
Հայաստանի կոմիտեն նշում է, որ երկու շաբաթ առաջ Բրյուսելում հանգամանալից ներկայացրել է իր կատարած ամբողջ աշխատանքը։ Ըստ կոմիտեի՝ բոլոր հիմնական թերությունները վերացվել են, իսկ այն հարցերը, որոնք պահանջում են երկարաժամկետ աշխատանք, գտնվում են ընթացքի մեջ։ Կոմիտեն նաև հավելել է, որ ԵՄ գործընկերներին նախապես ուղարկվել էր ուղղիչ գործողությունների պլանը, որը քննարկվել է բրյուսելյան հանդիպման ընթացքում։
ԵՄ-ի կողմից առաջարկված «Թվինինգ» (Twinning) ծրագիրը, որի նպատակն է ԵՄ անդամ երկրների փորձագետների միջոցով աջակցել Հայաստանի կառավարությանը, կոմիտեի կողմից համարվում է աջակցության ծրագիր, որը կապ չունի սև ցուցակից դուրս գալու գործընթացի հետ։
Եվրամիության ընդլայնման քաղաքականության հարցերով բարձր հանձնակատար Մարթա Կոսը նախկինում հայտարարել էր, որ ԵՄ ավիացիոն սև ցուցակում Հայաստանի գտնվելը տեխնիկական, ոչ թե քաղաքական գործընթաց է։ Նրա խոսքով՝ որոշումը դեռ կայացված չէ, քանի որ Հայաստանը պետք է կատարի որոշակի պահանջներ։ Նա նաև նշել էր, որ ԵՄ-ն առաջարկել է հատուկ օգնություն «Թվինինգ» ծրագրի միջոցով։
Հայաստանի քաղաքական կյանքի վերջին տարիների ամենակարևոր և ամենաշատ քննարկվող հասկացություններից մեկը դարձել է այսպես կոչված…
Հայաստանի կենտրոնական բանկի վերջին գնահատականներով՝ երկրի տնտեսության կանխատեսումները 2026 թվականի համար ենթակա են զգալի վերանայման։…
Հունիսի 7-ի ընտրություններին «Քաղաքացիական պայմանագիր» կուսակցության սահմանադրական մեծամասնություն չստանալու փաստը, ինչպես հայտնի է, ուրախություն է…
Վերջին շաբաթներում Բարձրագույն դատական խորհրդի (ԲԴԽ) ներսում լարվածության աստիճանը զգալիորեն բարձրացել է, ինչը դրսևորվում է…
Իրանի և Հայաստանի անվտանգության փորձի համեմատությունը կարևոր է ռազմավարական մտածողության և պետական դիմադրողականության կապը հասկանալու…
Պաշտպանության նախարարությունը կառավարության 2023 թվականի մարտի 23-ի N 383-Ն որոշման մեջ լրացում և փոփոխություն կատարելու…