ՀՀ Ազգային Ժողովի ֆինանսավարկային եւ բյուջետային հարցերի մշտական հանձնաժողովը դեկտեմբերի 16-ի արտահերթ նիստում երկրորդ ընթերցմամբ քննարկեց եւ դրական եզրակացություն տվեց մի քանի կարեւոր օրենսդրական նախաձեռնություններին։
Առաջին հերթին, հանձնաժողովը հավանություն տվեց «Պետական պարտքի մասին» օրենքում փոփոխություն կատարելու մասին» եւ կից օրենքներում փոփոխություններ եւ լրացումներ նախատեսող օրենսդրական փաթեթին։ Ըստ ֆինանսների նախարարի տեղակալ Ավագ Ավանեսյանի՝ այս փոփոխությունների նպատակն է ապահովել պետական պարտքի ոլորտի կարգավորման արդիական համակարգը՝ միջազգային ֆինանսական կառույցների կողմից սահմանված չափանիշներին համապատասխան։
Հետագայում քննարկվեց նաեւ «ՀՀ բյուջետային համակարգի մասին» օրենքում լրացումներ եւ փոփոխություններ կատարելու մասին» օրենքի նախագիծը։ Ըստ փոխնախարարի՝ այս նախագծով սահմանվում են հարկաբյուջետային հատուկ ռիսկերի նյութականացման, գնահատման եւ կառավարման, ինչպես նաեւ դրանց վերաբերյալ տեղեկատվության հրապարակայնությունն ապահովող դրույթներ։
Այլընպաստ քննարկման արդյունքում հանձնաժողովը հավանություն տվեց նաեւ «Հայաստանի Հանրապետության եւ Եվրոպական ներդրումային բանկի միջեւ «Հայաստան-Դիմակայուն Սյունիք ծրագիր» ԿԶԵՀ + Հատուկ ներդրումային պատուհան 1» ֆինանսական պայմանագիրը վավերացնելու մասին» օրենքի նախագծին։ Տարածքային կառավարման եւ ենթակառուցվածքների նախարարի տեղակալ Քրիստինե Ղալեչյանը նշեց, որ ծրագրի հիմնական նպատակն է Սյունիքի մարզում տնտեսական դիմակայունության բարձրացումը եւ բնակչության կենսամակարդակի բարելավումը։ Այն ներառում է երեք հիմնական բաղադրիչ՝ ջրամատակարարման, կրթական եւ առողջապահական համակարգերի զարգացումը։ Ըստ զեկուցողի՝ ծրագրի իրականացման արդյունքում կբարելավվի բնակչության կենսապահովման միջոցների հասանելիությունը, կընդլայնվի տնտեսական գործունեության եւ զբաղվածության հնարավորությունները, ինչպես նաեւ կապահովվի խմելու ջրի որակի կայունությունը։
Վերջում քննարկվեց «Հայաստանի Հանրապետության եւ Ասիական զարգացման բանկի միջեւ «Կենսունակության բարելավման եւ հզորացման համար բնակարանային բարեփոխումներ» (THRIVE) ծրագրի վարկային համաձայնագիրը վավերացնելու մասին» օրենքի նախագիծը։ Ըստ աշխատանքի եւ սոցիալական հարցերի նախարարի տեղակալ Դավիթ Խաչատրյանի՝ այս ծրագիրը նախատեսում է զարգացնել կայուն բնակարանային համակարգ Հայաստանում՝ Լեռնային Ղարաբաղից բռնի տեղահանված ընտանիքների համար։ Նա նշեց, որ 2024 թվականին հաստատված պետական ծրագրի շրջանակում արդեն 1600 ընտանիք ձեռք է բերել իրենց բնակարանը, եւ ծրագրի շրջանակում 2200 ընտանիք ստացել է հավաստագիր։
Հելսինկի / Բաքու — Խմբագրությունը ձեռք է բերել Ֆինլանդիայի ԱԳՆ Եվրո-Ատլանտյան դեպարտամենտի գլխավոր տնօրեն Սարի…
«Civilnet.am»․ հաղորդվում է, որ Հայաստանի վարչապետ Նիկոլ Փաշինյանի մոտ 2010 թվականին, երբ վերջինս գտնվում էր…
Ամերիկյան լրագրողները մանրամասն հետաքննություն են անցկացրել և եկել են եզրակացության, որ Հայաստանում վարչապետ Նիկոլ Փաշինյանի…
ՀՀ կառավարության 2021-2026 թթ. ծրագրում նախատեսված «Made in Armenia» բրենդի կայացման ուղղությամբ աշխատանքները, որոնք պետք…
Իրավապահ մարմնից ստացված տեղեկատվության համաձայն՝ դեռեւս 2023 թվականին՝ Արցախի անկումից հետո, ՀՀ ԱԱԾ-ում ստեղծվել է…
Երևանի պետական համալսարանում (ԵՊՀ) տեղի ունեցավ Ուսանողների հետ տարվող աշխատանքների կենտրոնի լուծարումը։ Այս որոշումը, որը…