Աշխատանքի և սոցիալական հարցերի նախարարության տեղեկացմամբ՝ նախարարի տեղակալ Դավիթ Խաչատրյանը հանդիպում է ունեցել Աշխատանքի միջազգային կազմակերպության (ԱՄԿ) ներկայացուցիչների հետ՝ քննարկելու Հայաստանում ոչ ֆորմալ զբաղվածության կանխարգելման ուղղությամբ իրականացվող ծրագրերը։
Հանդիպման ընթացքում Դավիթ Խաչատրյանը շնորհակալություն է հայտնել «Հայաստանում ֆորմալ զբաղվածության խթանումը» թեմայով կազմակերպված աշխատաժողովի և ոչ ֆորմալ տնտեսության վերաբերյալ կատարված մանրամասն ուսումնասիրության համար։
ԱՄԿ-ի Գլոբալ ծրագրի տնօրեն Ֆրեդերիկ Լապեյրին ընդգծել է, որ ուսումնասիրության արդյունքները կլինեն ապագա օրենսդրական բարեփոխումների հիմքը։ Նա նշել է, որ ոչ ֆորմալ զբաղվածության ամենամեծ մասը կենտրոնացած է գյուղատնտեսության և շինարարության ոլորտներում։ Այս համատեքստում կարևորվել է նաև աշխատանքային միգրանտների իրավունքների պաշտպանության հարցը։
Հանդիպման ընթացքում Դավիթ Խաչատրյանը ներկայացրել է զբաղվածության և ժողովրդագրության ռազմավարությունների իրականացման ընթացքը, ինչպես նաև Ղարաբաղից բռնի տեղահանվածների համար մշակվող և իրականացվող ծրագրերը՝ կարևորելով ԱՄԿ-ի անհրաժեշտ աջակցությունը և հետագա համագործակցությունը։
Կողմերը վերահաստատել են իրենց պատրաստակամությունը՝ շարունակելու համատեղ աշխատանքը։
Հայաստանի քաղաքական կյանքի վերջին տարիների ամենակարևոր և ամենաշատ քննարկվող հասկացություններից մեկը դարձել է այսպես կոչված…
Հայաստանի կենտրոնական բանկի վերջին գնահատականներով՝ երկրի տնտեսության կանխատեսումները 2026 թվականի համար ենթակա են զգալի վերանայման։…
Հունիսի 7-ի ընտրություններին «Քաղաքացիական պայմանագիր» կուսակցության սահմանադրական մեծամասնություն չստանալու փաստը, ինչպես հայտնի է, ուրախություն է…
Վերջին շաբաթներում Բարձրագույն դատական խորհրդի (ԲԴԽ) ներսում լարվածության աստիճանը զգալիորեն բարձրացել է, ինչը դրսևորվում է…
Իրանի և Հայաստանի անվտանգության փորձի համեմատությունը կարևոր է ռազմավարական մտածողության և պետական դիմադրողականության կապը հասկանալու…
Պաշտպանության նախարարությունը կառավարության 2023 թվականի մարտի 23-ի N 383-Ն որոշման մեջ լրացում և փոփոխություն կատարելու…