Հայաստանի Հանրապետության նախագահ Վահագն Խաչատուրյանը բացեց «Էթիկական չափորոշիչները իրավահավասարության և հակախտրականության ոլորտում» միջազգային համաժողովը, որը կազմակերպվել էր Մարդու իրավունքների միջազգային օրվա կապակցությամբ։
Իր բացման խոսքում նախագահը շեշտեց, որ իրավահավասարության և խտրականության բացառումը ժողովրդավարական հասարակության հիմնաքարերից է։ Նա նշեց, որ այս օրը, 1948 թվականին, ընդունվեց Մարդու իրավունքների համընդհանուր հռչակագիրը, որը, չնայած իր իրավական պարտադիր ուժ չունենալուն, դարձավ մարդու հիմնարար իրավունքների և ազատությունների պաշտպանության համար ապագա դաշնագրերի հիմքը։
Վահագն Խաչատուրյանը ընդգծեց, որ Հայաստանը անկախությունից ի վեր անշեղորեն հետևում է մարդու իրավունքների պաշտպանության ուղուն՝ միանալով դրանց վերաբերյալ միջազգային պայմանագրերի գործիքների մեծամասնությանը և շարունակաբար կատարելագործելով իր պարտավորությունների կատարման համակարգերը։ Նա նշեց, որ Եվրոպայի խորհրդի անդամ դառնալուց հետո Հայաստանը գիտակցված քայլեր կատարեց՝ իր օրենսդրությունը բարեփոխելով և ընտրելով ժողովրդավարական կառավարման ավելի հաշվետու և թափանցիկ մոդելներ։
Նախագահը հպարտությամբ նշեց, որ իրավունքահենք մոտեցումները և օրենքի գերակայությունը հիմնարար են Հայաստանի կառավարության բարեփոխումների ծավալուն օրակարգի համար։ Նա շնորհակալություն հայտնեց Հայաստանի Մարդու իրավունքների պաշտպանին՝ համաժողովը կազմակերպելու համար, և ընդգծեց, որ ՀՀ ՄԻՊ հաստատությունը, իր գործունեության ընթացքում, միջազգային չափանիշներով արժանացել է ամենաբարձր «Ա» կարգավիճակին՝ ապացուցելով Հայաստանի ժողովրդավարական կուրսի անշեղությունը։
Վահագն Խաչատուրյանը նշեց, որ համաժողովի թեմատիկան՝ իրավահավասարության ապահովումն ու խտրականության բացառումը, ոչ միայն պետության պարտավորությունն է, այլև մարդկային արժանապատվության նկատմամբ հարգանքի նվազագույն պահանջը։ Նրա կարծիքով՝ միջազգային քաղաքական դիսկուրսում գերակշռում է այն համոզմունքը, որ անհատների և պաշտպանված խմբերի, այդ թվում՝ փոքրամասնությունների, իրավունքների պաշտպանությունը, ատելության խոսքի և հանցանքների վաղ բացահայտումն ու արձագանքն ի զորու են կանխարգելել ապագայում հակամարտություններն ու պատերազմները։
Նախագահը նաև հիշեց, որ Մարդու իրավունքների համընդհանուր հռչակագրի մշակման գործում մեծ դեր ունեցել են կին գործիչները։ Նրա կարծիքով՝ իրավահավասար պետության և հասարակության պարտադիր նախապայմաններից մեկը կանանց նկատմամբ խտրականության բոլոր ձևերի վերացումն է։
Համաժողովին մասնակցում են պետական գործիչներ, դիվանագետներ, ոլորտի հայաստանյան և արտերկրյա փորձագետներ, որոնք սեղմ ժամկետում պետք է քննարկեն կայուն ժողովրդավարության հիմքերի, որոշող մեծամասնության և պաշտպանված փոքրամասնության իրավական և էթիկական հարցերը։
Հելսինկի / Բաքու — Խմբագրությունը ձեռք է բերել Ֆինլանդիայի ԱԳՆ Եվրո-Ատլանտյան դեպարտամենտի գլխավոր տնօրեն Սարի…
«Civilnet.am»․ հաղորդվում է, որ Հայաստանի վարչապետ Նիկոլ Փաշինյանի մոտ 2010 թվականին, երբ վերջինս գտնվում էր…
Ամերիկյան լրագրողները մանրամասն հետաքննություն են անցկացրել և եկել են եզրակացության, որ Հայաստանում վարչապետ Նիկոլ Փաշինյանի…
ՀՀ կառավարության 2021-2026 թթ. ծրագրում նախատեսված «Made in Armenia» բրենդի կայացման ուղղությամբ աշխատանքները, որոնք պետք…
Իրավապահ մարմնից ստացված տեղեկատվության համաձայն՝ դեռեւս 2023 թվականին՝ Արցախի անկումից հետո, ՀՀ ԱԱԾ-ում ստեղծվել է…
Երևանի պետական համալսարանում (ԵՊՀ) տեղի ունեցավ Ուսանողների հետ տարվող աշխատանքների կենտրոնի լուծարումը։ Այս որոշումը, որը…