Նոյեմբերի 24-ից 27-ը Մարոկկոյի Մարաքեշ քաղաքում տեղի ունեցած Քրեական ոստիկանության միջազգային կազմակերպության՝ Ինտերպոլի Գլխավոր ասամբլեայի 93-րդ վեհաժողովին մասնակցել է Հայաստանի պատվիրակությունը՝ ղեկավարությամբ ՆԳՆ քրեական ոստիկանության գլխավոր վարչության պետ-ոստիկանության պետի տեղակալ Վարդան Վարդանյանի։
Վեհաժողովին ներկայացել էին 179 երկրների 800 ներկայացուցիչ՝ ներքին գործերի և արդարադատության նախարարներ, ոստիկանապետեր և բարձրաստիճան պաշտոնյաներ։ Կենտրոնական քննարկման թեմաներն էին անդրազգային կազմակերպված հանցավորության, ֆինանսական հանցագործությունների և կոռուպցիայի, ահաբեկչության, ինչպես նաև կիբերհանցավորության դեմ պայքարի հարցերը։
Ինտերպոլի Գլխավոր ասամբլեայի ընթացքում ելույթներ են ունեցել Կազմակերպության նախագահ Ահմեդ Նասեր Ալ-Ռաիսին, Գլխավոր քարտուղար Վալդեսի Ուրքիզան, Մարոկկոյի ազգային անվտանգության և տարածքային վերահսկողության ծառայության տնօրենը և անդամ երկրների բարձրաստիճան պաշտոնյաներ։
Վեհաժողովի հիմնական իրադարձություններից մեկը Ինտերպոլի նախագահի և Գործադիր կոմիտեի անդամների ընտրությունն էր։ Ընտրվել է նոր նախագահ՝ Ֆրանսիայի պատվիրակության առաջադրած թեկնածու, ինչպես նաև Գործադիր կոմիտեի 5 նոր անդամ։
Վեհաժողովի ընթացքում ընդունվել են մի շարք հիմնարար որոշումներ, որոնք ուղղված են Ինտերպոլի հնարավորությունների ամրապնդմանը և գործող մեխանիզմների հետագա բարելավմանը։
Հայաստանի պատվիրակությունը հանդիպումներ է ունեցել Կազմակերպության մի շարք ստորաբաժանումների ղեկավարների և անդամ երկրների պատվիրակությունների հետ՝ քննարկելով ընդհանուր հետաքրքրություն ներկայացնող մի շարք հարցեր։
Հայաստանի քաղաքական կյանքի վերջին տարիների ամենակարևոր և ամենաշատ քննարկվող հասկացություններից մեկը դարձել է այսպես կոչված…
Հայաստանի կենտրոնական բանկի վերջին գնահատականներով՝ երկրի տնտեսության կանխատեսումները 2026 թվականի համար ենթակա են զգալի վերանայման։…
Հունիսի 7-ի ընտրություններին «Քաղաքացիական պայմանագիր» կուսակցության սահմանադրական մեծամասնություն չստանալու փաստը, ինչպես հայտնի է, ուրախություն է…
Վերջին շաբաթներում Բարձրագույն դատական խորհրդի (ԲԴԽ) ներսում լարվածության աստիճանը զգալիորեն բարձրացել է, ինչը դրսևորվում է…
Իրանի և Հայաստանի անվտանգության փորձի համեմատությունը կարևոր է ռազմավարական մտածողության և պետական դիմադրողականության կապը հասկանալու…
Պաշտպանության նախարարությունը կառավարության 2023 թվականի մարտի 23-ի N 383-Ն որոշման մեջ լրացում և փոփոխություն կատարելու…