Նոյեմբերի 24-ից 27-ը Մարոկկոյի Մարաքեշ քաղաքում տեղի ունեցած Քրեական ոստիկանության միջազգային կազմակերպության՝ Ինտերպոլի Գլխավոր ասամբլեայի 93-րդ վեհաժողովին մասնակցել է Հայաստանի ներկայացուցիչների պատվիրակությունը՝ գլխավորած ՆԳՆ քրեական ոստիկանության գլխավոր վարչության պետ-ոստիկանության պետի տեղակալ Վարդան Վարդանյանի կողմից։
Վեհաժողովին, որը հավաքել էր 179 երկրների 800-ից ավելի ներկայացուցիչ՝ ներքին գործերի և արդարադատության նախարարներ, ոստիկանապետեր և բարձրաստիճան պաշտոնյաներ, կենտրոնական թեմաներ էին անդրազգային կազմակերպված հանցավորության, ֆինանսական հանցագործությունների և կոռուպցիայի, ահաբեկչության և կիբերհանցավորության դեմ պայքարի հարցերը։
Իրենց ելույթներն ունեցան Ինտերպոլի նախագահ Ահմեդ Նասեր Ալ-Ռաիսին, Գլխավոր քարտուղար Վալդեսի Ուրքիզան և Մարոկկոյի ազգային անվտանգության և տարածքային վերահսկողության ծառայության տնօրենը։
Վեհաժողովի ընթացքում տեղի ունեցան Ինտերպոլի նախագահի և Գործադիր կոմիտեի անդամների ընտրություններ։ Ֆրանսիայի պատվիրակության առաջադրած թեկնածուն ընտրվեց Կազմակերպության նոր նախագահ, իսկ Գործադիր կոմիտեի կազմը համալրվեց 5 նոր անդամներով։
Բացի այդ, ընդունվել են մի շարք հիմնարար որոշումներ, որոնք ուղղված են Ինտերպոլի հնարավորությունների ամրապնդմանը և գործող մեխանիզմների բարելավմանը։
Հայաստանի պատվիրակությունը հանդիպումներ է անցկացրել Կազմակերպության մի շարք ստորաբաժանումների ղեկավարների և անդամ երկրների պատվիրակությունների հետ՝ քննարկելով ընդհանուր հետաքրքրություն ներկայացնող հարցեր։
Հելսինկի / Բաքու — Խմբագրությունը ձեռք է բերել Ֆինլանդիայի ԱԳՆ Եվրո-Ատլանտյան դեպարտամենտի գլխավոր տնօրեն Սարի…
«Civilnet.am»․ հաղորդվում է, որ Հայաստանի վարչապետ Նիկոլ Փաշինյանի մոտ 2010 թվականին, երբ վերջինս գտնվում էր…
Ամերիկյան լրագրողները մանրամասն հետաքննություն են անցկացրել և եկել են եզրակացության, որ Հայաստանում վարչապետ Նիկոլ Փաշինյանի…
ՀՀ կառավարության 2021-2026 թթ. ծրագրում նախատեսված «Made in Armenia» բրենդի կայացման ուղղությամբ աշխատանքները, որոնք պետք…
Իրավապահ մարմնից ստացված տեղեկատվության համաձայն՝ դեռեւս 2023 թվականին՝ Արցախի անկումից հետո, ՀՀ ԱԱԾ-ում ստեղծվել է…
Երևանի պետական համալսարանում (ԵՊՀ) տեղի ունեցավ Ուսանողների հետ տարվող աշխատանքների կենտրոնի լուծարումը։ Այս որոշումը, որը…