Կոտայքում ՔՊ-ի քարոզարշավի հետո՝ Մեխակ Միքայելյանի գործողությունները

Քաղաքացիական պայմանագիր (ՔՊ) կուսակցության կողմից Կոտայքի մարզում անցկացրած քարոզարշավից հետո ՔՊ-ի պատգամավորության թեկնածու Սասուն Միքայելյանի որդին՝ Մեխակ Միքայելյանը, սկսել է ակտիվ գործողություններ իրականացնել՝ ուղղված մարզի տնտեսվարողներին։

Ինչպես հայտնի է, մարզային այցի արդյունքներից իշխանական կողմը հագեցած չէր։ Նիկոլ Փաշինյանը իր տպավորությունները քննարկել է Սասուն Միքայելյանի հետ, ինչից հետո Միքայելյանների ընտանիքը որոշել է ավելի մեծ եռանդով ներգրավվել ընտրական պայքարի մեջ՝ Փաշինյանին խոստանալով ապրիլյան ընտրություններին ապահովել աննախադեպ թվեր։

Մեխակ Միքայելյանը, որը նույնպես զբաղվում է բիզնեսով՝ իշխանափոխությունից հետո նախկիններից խլած գազալցակայանը վերագործարկելով, ակտիվորեն հանդիպումներ է կազմակերպում մարզի տնտեսվարողների, մանր եւ միջին բիզնեսի ներկայացուցիչների հետ։ Ըստ աղբյուրների՝ նա անձնական զրույցների ընթացքում ոչ միայն փորձում է համոզել նրանց աջակցել ՔՊ-ին, այլեւ ուղղակի սպառնալիքներ է հնչեցնում՝ նշելով, որ եթե նրանք չեն համագործակցում, իրենց սպասում է բարդ իրավիճակ։

Սասուն Միքայելյանի որդին՝ Սեւակ Միքայելյանը, իր հերթին, կենտրոնացած է Հրազդանի համայնքի կառավարման ոլորտում՝ աշխատելով համայնքապետարանի ենթակայությամբ գործող հիմնարկների աշխատակազմերի հետ, ինչպիսիք են դպրոցները եւ մանկապարտեզները։

Միեւնույն ժամանակ, ընտանիքը մտահոգված է, որ նույնիսկ իրենց ամենահզոր բնօգնականը՝ Հրազդան քաղաքում կարող է պարտվել ընդդիմությանը, քանի որ քաղաքի հեղինակավոր մարդիկ եւ բիզնեսի ներկայացուցիչներ իշխանական կուսակցությանը չեն աջակցում։