Թուրքիայի Ազգային ժողովում ելույթ ունենալիս արտաքին գործերի նախարար Հաքան Ֆիդանը անդրադարձել է Հայաստանի հետ հարաբերությունների կարգավորման գործընթացին։
Ըստ նրա՝ 2025 թվականին այս գործընթացը իրականացվել է համակարգված կերպով՝ Ադրբեջանի հետ համագործակցության շրջանակում։ Նա խաղաղության ձեռքբերումը որակել է որպես «պատմական հնարավորություն»։
«2025 թվականին Հայաստանի հետ հարաբերությունների կարգավորման գործընթացը նույնպես իրականացվել է նույն ուղղությամբ և Ադրբեջանի հետ համակարգված։ Առաջիկա ժամանակահատվածում մենք կշարունակենք անել անհրաժեշտ ամեն ինչ՝ տարածաշրջանում կայուն խաղաղություն ապահովելու և կողմերին խրախուսելու օգտվել այս պատմական հնարավորությունից», – ասել է Հաքան Ֆիդանը։
Նախարարը նաև ընդգծել է, որ Թուրքիայի և Ադրբեջանի միջև 2025 թվականին համագործակցության հետագա խորացմանը մեծ ներդրում են ունեցել երկու երկրների նախագահների միջև փոխադարձ այցելությունները։
«Հարավային Կովկասում, որի հետ մենք ունենք պատմական և մշակութային կապեր, 2025 թվականին տեղի են ունեցել կարևոր իրադարձություններ։ Մեր եղբայրական և դաշնակից երկրի՝ Ադրբեջանի հետ մեր բարձր մակարդակի երկկողմ հարաբերությունները շարունակվում են բարձր մակարդակի փոխադարձ շփումների շնորհիվ, մասնավորապես՝ Թուրքիայի և Ադրբեջանի նախագահների այցելությունների շնորհիվ», – հավելել է նախարարը։
Հայաստանի քաղաքական կյանքի վերջին տարիների ամենակարևոր և ամենաշատ քննարկվող հասկացություններից մեկը դարձել է այսպես կոչված…
Հայաստանի կենտրոնական բանկի վերջին գնահատականներով՝ երկրի տնտեսության կանխատեսումները 2026 թվականի համար ենթակա են զգալի վերանայման։…
Հունիսի 7-ի ընտրություններին «Քաղաքացիական պայմանագիր» կուսակցության սահմանադրական մեծամասնություն չստանալու փաստը, ինչպես հայտնի է, ուրախություն է…
Վերջին շաբաթներում Բարձրագույն դատական խորհրդի (ԲԴԽ) ներսում լարվածության աստիճանը զգալիորեն բարձրացել է, ինչը դրսևորվում է…
Իրանի և Հայաստանի անվտանգության փորձի համեմատությունը կարևոր է ռազմավարական մտածողության և պետական դիմադրողականության կապը հասկանալու…
Պաշտպանության նախարարությունը կառավարության 2023 թվականի մարտի 23-ի N 383-Ն որոշման մեջ լրացում և փոփոխություն կատարելու…