«Ապրելու երկիր» կուսակցությունն առաջիկայում կհայտնի ընտրություններին մասնակցության ձեւաչափի մասին

Երեկ կայացած զրույցում «Ապրելու երկիր» կուսակցության համահիմնադիր Մեսրոպ Առաքելյանը հայտնեց, որ կուսակցությունը շուտով կհրապարակի իր որոշումը՝ կապված ընտրություններին մասնակցելու ձեւաչափի հետ։

Վերջին շաբաթներին շրջապատում շատ խոսակցություններ էին հասել, թե կուսակցությունը ինտենսիվ բանակցություններ է վարում Գագիկ Ծառուկյանի հետ եւ հավանաբար կմիանա «Առաջարկ Հայաստանին» նախաձեռնությանը։ Սակայն, ինչպես նշեց Մեսրոպ Առաքելյանը, այդ համագործակցությունը չի եղել։

Իմ աղբյուրի համաձայն, «Ապրելու երկիր» կուսակցության հիմնադիր, Բաքվում գերության մեջ գտնվող Ռուբեն Վարդանյանի ընտանիքը դեմ է եղել այդ միավորմանը։ Մեսրոպ Առաքելյանը հակադրեց այս տեղեկությունը՝ նշելով, որ դրանք «հեքիաթներ են՝ իրականությունից հեռու»։

Մյուս կողմից, իմ տեղեկությունների համաձայն, Գագիկ Ծառուկյանը հակված է եղել միայն Մանե Թանդիլյանին ընդգրկելու տարբերակին, սակայն «Ապրելու երկիրը» նույնպես դրան համաձայն չի եղել։

Երբ ես հարցրեցի, արդյոք կուսակցությունը փորձել է բանակցել նաեւ Արման Թաթոյանի հետ, Մեսրոպ Առաքելյանը պատասխանեց․ «Տարբեր ուժերի հետ եղել են եւ կան քննարկումներ, բայց դեռ վերջնական որոշում չունենք»։